Турската актерка Мерием Узерли светската слава ја обезбеди преку улогата на султанката Хурем во серијата „Сулејман Величенствениот“. Поради големите емотивни случувања во нејзиниот живот, таа извесно време се повлече и одлучи повеќе време да посвети себеси и на својата ќерка Лара.
Убавата Мерјем неодамна го промовираше својот нов филм „The Hive“, а според информациите од светските медиуми, ќе се појави и во една мексиканска теленовела.
На својот Инстаграм-профил таа објави фотографија со холивудскиот заводник Џерард Батлер.
„Ти си прекрасно човечко суштество“, напиша таа во описот на фотографијата.
Мерјем и Џерард присуствувале во саботата на отворањето на 70. Берлински филмски фестивал, како и на фестивалската забава, каде што и настанала оваа фотографија. Од сите страни пристигнуваат коментари на нејзините обожаватели воодушевени што токму него го „уловила“ убавата актерка.
Сепак, Џерард е во врска со Морган Браун, но, судејќи по фотографиите и натписите во светските медиуми, актерот не ѝ баш верен на својата избраничка. Холивудскиот заводник неколкупати ја раскина врската со Морган, а причината беше неговото неверство.
ФОТО: Инстаграм/Принтскрин
