Двајцата сопружници на возраст од 62 и 68 години од Дебар, кои попладнево беше утврдено дека се заболени од коронавирус, од Бреша, Северна Италија во Македонија стасале во автобус на 27 февруари.
Патниците се со лесна клиничка слика и во стабилна состојба, изјави министерот за здравство Венко Филипче вечерва на прес-конференција.
Тие првпат на матичен лекар се јавиле 2 март, но тој не препознал индикации и ги пратил на домашно лекување.
– Денеска се јавиле во болницата во Дебар каде што доаѓа инфектолог од Гостивар, и била поставена индикацијата согласно симптомите коишто се развиле во текот на вчерашниот ден. Дома тие имале контакт само со братот на заболената дебарка – рече министерот за здравство.
Тие од Италија до Македонија со автобус со 40 луѓе, од кои некои се симнале во Куманово, во Скопје и во Дебар.
– Во соработка со МВР веќе се најдени имињата и матичните броеви на сите патници од автобусот. Вечерва по индентификувањето и лоцирање, ќе се постапи бидат со соодветни мерки согласно нивната здравствена состојба и а по анализа на нивните контаки – рече Филипче.
Тој рече дека најголем ризик постои за патниците во трите реда пред и зад заболената брачна двојка.
Вечерва со специјален транспорт, заболените ќе бидат префрлени на Клиниката за инфективни болести во Скопје.
