Директорот на Европол, Роб Вајнрајт, денеска изјави дека околу 800 лица од Западен Балкан се бореле на страната на Исламска држава во Сирија и во Ирак.
– Во Европска унија има 30.000 потенцијални терористи – истакна тој на отворањето на состанокот на Европол, што се одржува во рамките на бугарското претседавање со Советот на Европска унија во Софија.
Тој предупреди дека Бугарија и другите европски држави се под закана на тероризам.
– Главната опасност за Европа е експанзијата на терористички активности, како и кибер заканата и криминалните групи кои постојат во некои држави. Се надевам дека заканите ќе се намалат, но во многу земји радикализираните групи се прилично активни и ние ги зајакнавме капацитетите и им отежнавме да терористите да ги извршуваат своите активности – посочи Вајнрајт.
Европол минатата година спроведе околу 1.600 акции.
