Скандалозна снимка од ѕвездите на Арсенал се појави на интернет. Забавата била во популарен ноќен клуб во Лондон и наводно чинела до 30.000 фунти, пренесува „Курир.рс“.
Во главните улоги се Сеад Колашинац, Александар Лаказет, Месут Озил, Пјер – Емерик Аубамејанг, Матео Гендузи, Хенрик Михтаријан и Шкодран Мустафи.
Фудбалерите пиеле вотка, шампањ, но и „дувале“ гас за смеење, популарно наречен „балон“. На снимката се гледа и како постарите се обидуваат да го натерат да проба и 19-годишниот Французин, Гендузи, кој се онесвестува.
Гасот за смеење не е илегален во Англија, но е забрането негово продавање на лица под 18 години. Последиците се губење на свеста, а во најлош случај, може да дојде и до смрт поради недостаток на кислород.
Забавата се случила во август, а неофицијално, на забавата имало и 70 жени.
