Македонската кошаркарска репрезентација до 18 години, претрпе висок пораз во дуелот против Холандија, во второто коло од групната фаза на Европското првенство Б дивизија.
Првата четвртина заврши со водство на гостите од 24:13, а во останатиот дел од средбата, Холандија константно ја зголемуваше предноста и на крајот немаше никаква неизвесност.
Андреј Јакимовски со 17 поени беше најефикасен кај Македонија, а двоцифрен број на поени постигна и Ваљмир Какруки (10 поени).
Македонија утре игра против Луксембург, а во понеделник е слободна.
Остануваат и дуелите против Чешка и Израел.
