Бугарската агенција за безбедност на храна соопшти дека на фарма за патки во селото Стефаново на североистокот на земјата е забележана епидемија на птичји грип.
Ројтерс јавува дека ветеринарните власти веќе почнале да ги усмртуваат патките за да не се прошири болеста и дека околу фармата е воспоставена заштитна зона со радиус од три километри.
Ова е втора епидемија на птичји грип во истото село од октомври лани, кога беа убиени 10.000 патки.
За сега не се знае за кој вид птичји грип станува збор, затоа што во Бугарија од декември лани се забележани неколку епидемии на болеста.
Во некои од случаите беше откриена исклучително патогената низа на птичји грип Х5Н8, потсетува Ројтерс.
