Првиот натпревар од ноќешната програма во НБА помеѓу Хјустон рокетс и Денвер нагетс, почна со едноминутно молчење во чест на големиот Коби Брајант, кој загина денеска во хеликоптерска несреќа во близина на Лос Анџелес.
Фановите се во шок по страшната вест, социјалните мрежи се преплавени со тага и сочувство за легендата на ЛА Лејкерс.
Нејмар два пати ја тресеше мрежата на Лил, а вториот погодок, Бразилецот го посвети на Коби Брајант.
Израз на тага и сочувство за смртта на Коби Брајант стасува и од политичарите меѓу кои и израелскиот премиер, Бенјамин Нетанјаху.
Веста за трагедијата во која вечерва по средноевропско време животот го загуби, една од најголемите ѕвезди во историјата на НБА лигата, со неверување се прошири и кај играчите од најсилната кошаркарска лига.
Меѓу другите на Твитер се огласија и:
Демијан Лилард од Портланд: Леле!
Мајк Конли од Мемфис: Не човеку!
Ману Џинобиле, легенда на Сан Антонио: Уништен!
Андре Драмонд од Детроит: Ова не може да е вистина!
Лука Дончиќ од Далас: Ове не може да биде вистина!
Џамал Крафорд: Нема шанси, нема шанси,… Те сакам Коби!
Двејн Вејд: Неееее, Господе те молам, не!
Ова се само дел од реакциите на сегашни и поранешни НБА играчи по веста за смртта на Коби Брајант.
Брајант е роден 1978 година во Филаделфија, а целата кариера играше за Лос Анџелес Лејкерс од 1996 до 2016 година, освојувајќи пет титули во НБА.
Два пати беше нај играч на финалето во НБА, еднаш МВП од регуларната сезона, 18 пати учествуваше во „Ол-стар“, победи на натпревар за забивање, двапати беше најдобар стрелец на лигата.
Официјално во хеликоптерската несреќа во Калабасас, Калифорнија загина и неговата 13-годишна ќерка Џана.
„Брајант беше меѓу патниците што патуваа на со хеликоптер денеска. Пет лица се загинати, нема преживеани во хеликоптерска несреќа во Калабасас“, соопшти Одделот на шерифот на округот Лос Анџелес на Твитер.
Истрагата е во тек.
