Македонскиот атлетичар Дарио Ивановски втора година по ред е победник на полумаратонската трка што се трча како дел од Белградскиот маратон. Тој денеска патеката од 21,1 км ја истрча за 1:08.13 час што воедно е подобар резултат од ланскиот 1:10.01 час.
Ивановски беше убедлив во полумаратонот и имаше најдобри времиња и на 10 км – 31:54 минути и 1:07.49 час на 20 км.
Третото место му припадна на уште еден македонски атлетичар Милош Ранчиќ, кој имаше време 1:12.41 час, додека втор целта ја мина Милош Сегеди од Србија со време 1:12.33 час.
Во топ 10 на полумаратонската трка од македонските претставници се пласира и Игор Јакимовски (воедно и тренер на Дарио Ивановски), кој имаше резултат 1:18.32 час.
Дарио Ивановски е победник и на полумаратонскта трка на Скопски маратон од 2017 година, додека годинава Виз Ер Скопски маратон ќе се одржи на 6.мај.
