Во Тексас бил егзекутиран 48-годишниот Лери Сверинген, кој уште во 2000 година бил осуден на смртна казна поради киднапирање, силување и убиство на 19-годишната студентка Мелиса Тротер.
До самата смрт, Сверинген тврдел дека е невин.
– Боже протсти им, не знаат што прават – биле неговите последни зборови, пренесува „Ројтерс“.
Смртната казна била извршена во 18.47 часот.
Студентката Тротер последен пат била видена жива на 9 декември 1998 година, а нејзиното тело било пронајдено 25 дена подоцна во шума.
Сверинген повеќе пати се обидувал да ја смени пресудата, а самото извршување на смртната казна било одложувано пет пати.
Сведоците тврделе дека ја виделе Тротер како го напушта кампусот на 8 декември во негова придружба.
Како доказ била земено и тоа дека неговата сопруга во нивната приколка нашла запалка и кутија со цигари, иако ниту таа ниту Сверинген не биле пушачи.
Истражителите надвор од приколката пронашле и пар чорапи за кои тврделе дека припаѓале на студентката.
Меѓутоа, адвокатите на Сверинген укажувале на тоа дека пронајдената ДНК под ноктите на жртвата, не била негова.
ФОТО: Принтскрин
