Сопственикот на грчкиот фудбалски клуб Олимпијакос донесе одлука да се казнат играчите со околу 400.000 евра, а пота го распушти речиси целиот тим.
Одлуката на Маринакис доаѓа по незадоволството од двете ремија со ривалите Панатинаикос и Левадиакос и губење на титулата.
До крајот на грчкиот шампионат, тимот од Пиреја, ќе настапува главно со младинци.
– Одете слободно на одмор. Паметот ви е само во скапи куќи и автомобили. Потрошив многу пари, сменив три тренери и повторно друг ви е виновен, им порача „газдата“ на фудбалерите.
Маринакис најави дека парите од казната ќе ги пренасочи во млади фудбалери со цел градење нов тим во кој ќе играат оние кои го сакаат Олимпијакос.
На четири кола пред крајот на грчкиот шампионат Олимпијакос е на третото место зад лидерот АЕК.
