Откако синоќа во второто судиско продолжение Хрватска со 2-1 ја победи Англија и за прв пат во својата историја ќе игра во финале на Светско првенство, Хрватите громогласно ја прославија својата победа. Прославата им беше особено „слатка“ на островите кадешто традиционално летуваат англиските туристи.
Хрватската компанија „Франк“ (производител на чај и на кафе) воочи натпреварот со Англија му испрати на принцот Хари чај од камилица – за смирување. Се разбира, чајот е на Франк, а принцот го добил во специјализирана кутија ‘Keep Calm and Dream On’.
„Англија е позната по фудбалот и по пиењето чај. Нашите репрезентативци одамна покажале дека Хрватска е голема сила на фудбалската карта на светот, а ние со својот чај одлучивме да му го олесниме на принцот гледањето на денешниот натпревар, затоа што покрај врвната игра на нашите, нема да му биде лесно“, порачале од „Франк“.
Во недела хрватската репрезентација ќе се бори со Франција за големиот пехар.
Очекуваме францускиот претседател Макрон воочи натпреварот да добие хрватска лаванда – можеби е посилна од провансалската, а дефинитивно, и нему ќе му треба за смирување.
Фото галерија: Стефани Павловска
