Уредничката на познатиот магазин „Ел“, Џин Керол, го обвини американскиот претседател Доналд Трамп за силување, што тој го негираше.
Керол за неделниот весник „Њујорк“ изјавила дека во 1995. и 1996 година сегашниот претседател ја силувал во една луксузна стоковна куќа во Њујорк.
Трамп, наводно, ја замолил да му помогне околу подарокот „за една жена“, а таа прифатила, но открила дека наводната жена е токму таа самата. Ја замолил да избере нешто од долната облека, и тргнал по неа во кабината, што таа првобитно го прифатила како шега.
Трамп со неа се заклучил во кабината, ја бакнал сосила, а потоа ја силувал, според нејзините наводи.
Керол набрзо се ослободила и побегнала. Во тоа време не поднела тужба поради страв, но за тоа разговарала со две новинарки и двете потврдиле за „Њујорк“ дека истата верзија на приказната ја слушнале и тие.
Трамп рекол дека приказната е „фикција“ и „лажна вест“, наведувајќи и дека не постојат докази, додавајќи дека таа личност не ја ни познава.
Ова не е прво обвинение на сметка на американскиот претседател за злоставување. Веќе 15 жени го обвинија, а тој сето тоа го негираше.
FOTO: Instagram/Printskrin
