Раководството на Реал подготвува 280 милиони евра за напаѓачот на ПСЖ Килијан Мбапе, објави „Спорт.ес“.
Договорот на 20-годишниот Французин со парижаните важи до 30 јуни 2022 година.
Според извештаите на медиумите, тренерот на Реал, Зинедин Зидан, се надева дека Мбапе ќе дојде во Мадрид.
Пари Сен-Жермен не сака да го продава талентираниот напаѓач, но одлуката може да се промени поради финансискиот фер-плеј со кој парижаните се соочуваат со тешкотии.
Во тековната сезона, Мбапе настапи на 41 натпревар за ПСЖ, постигна 36 гола и оствари 17 асистенции.
На крајот од минатата година, 20-годишниот Французин беше прогласен за најдобар млад фудбалер на светот.
Доколку се остварат најавите за ваков трансфер, ќе биде срушен рекордот од 222 милиони евра платени од ПСЖ на Барселона за Бразилецот Нејмар.
