По настапот на италијанскиот фестивал „Санремо“, Новак Ѓоковиќ пеел пред публиката на белградскиот театар Атеље 212 и тоа со сопругата Јелена Ѓоковиќ.
Тие двајца во дует ја испееле „Чоколада“, славниот хит на групата „Идоли“.
Брачната двојка Ѓоковиќ присуствувала на изведувањето на претставата „Брод плови за Белград“, на која ги повикале своите пријатели и соработници, а претставата била од затворен тип.
Сè било организирано под покровителство на Фондацијата „Новак Ѓоковиќ“, а Јелена и Новак во еден момент излегле на сцената и запеале, а моментот на нивниот настап Јелена го споделила на својот Инстаграм-профил.
– Ти си моја чоколада, ја сам твоја чоколада, и да ниси тако млада, ја бих те љубио – ѝ пеел Ноле на Јелена, а таа му возвратила со истите стихови.
Во прашање бил дел од претставата „Брод плови за Белград“ во Атеље 212 во која познатите пееле.
