Мицотакис: Почитувањето на правата на грчкото малцинство услов за интеграција на Албанија во ЕУ

333
ФОТО: EPA / SIMELA PANTZARTZI

Почитувањето на правата на грчкото малцинство е услов за добивање на датум за преговори за влез на Албанија во ЕУ.

Ова се наведува во писмото што грчкиот премиер Киријакос Мицотакис го испрати до друштвото на грчкото малцинство во Албанија „Омонија“, пренесува тиранската телевизија Ора њуз.

– Главна загриженост на грчката Влада и моја лична е ефикасна заштита на малцинските и имотните права на грчкото национално малцинство во Албанија, што е услов за започнување на преговорите за интеграција на Албанија во ЕУ. Владата и Нова демократија со политичка волја секогаш ќе бидат на страната на грчкото малцинство во Албанија, од секој аспект – стои во писмото на Мицотакис.

Исто така шефот на грчката Влада додава дека билатералните односи меѓу двете држави дополнително ќе се развиваат и зајакнуваат, не само во однос на интеграцијата на земјата во ЕУ, туку и пошироко, што според него, ќе ги фаворизира и малцинствата и напредокот на двете земји.

ФОТО: EPA / SIMELA PANTZARTZI

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...