Делегација на МАНУ предводена од претседателот Таки Фити, на 10 и 11 мај ќе престојува во Софија, во Бугарската академија на науките, на заедничко чествување на сесловенските просветители – св. Кирил и Методиј, информира Академијата.
– Заедничкото чествување на празникот Св. Кирил и Методиј стана традиција и е интегрален дел од програмата за научна и културна соработка меѓу двете академии. Чествувањето на големото дело на св. Кирил и Методиј, покрај празничен, сѐ повеќе добива и работен карактер. Во тие рамки, на 10 мај, во Институтот за економски истражувања на Бугарската академија на науките, ќе бидат претставени два научноистражувачки проекта реализирани од страна на МАНУ и БАН. Едниот проект, објавен на македонски и на бугарски јазик, ги третира прашањата поврзани со последиците од европската должничка криза врз интеграциските процеси на двете земји. Другиот проект е кофинансиран од ИПА- програмата на ЕУ и се однесува на градење капацитет за иновативност и конкурентност на претпријатија од Северниот плански регион на Република Македонија и од Ќустендилската област на Република Бугарија- соопшти МАНУ.
Од таму додаваат дека во просториите на БАН, еминентниот бугарски писател академи. Антон Дончев ќе го претстави преводот на бугарски јазик на романот „Балканвавилонци“ од академик Луан Старова.
