Во полуфиналето од Лигата на шампионите (ЛШ) Реал Мадрид ќе игра против Баерн Минхен, а втората полуфинална двојка ја сочинуваат Ливерпул и Рома.
Првите полуфинални натпревари се закажани за 24 и 25 април, а реваншите ќе се играат на први и втори мај. Финалето во Лигата на шампионите е закажано за 26 мај и ќе се игра во Киев.
Двојките за полуфиналната фаза ги извлече легендарниот украински фудбалер Андреј Шевченко, а на ждрепката во Нион присуствуваше и градоначалникот на Киев и поранешен боксер Витали Кличко.
