Лидерот на СДСМ Зоран Заев по потпишувањето на декларацијата за коалиција со Беса им порача на партиите на Албанците и коалициите дека нема да прифатат уцени доколку тие сакаат да бидат дел од новата влада.
– Ја уверувам јавноста дека како победничка коалиција нема да дозволиме да бидеме уценувани и нема да прифаќаме непринципиелни преговарања и договарања. Оние кои што ќе сакаат да се приклучат на победниците ќе треба да ги прифатат нашите принципи и вредности за евентуално учество во владината коалиција – порача Заев.
