Пари Сен Жермен е силен тим и во отсуство на Нејмар, изјави тренерот на европскиот клупски шампион, Зинедин Зидан, цитиран од медиумите во Шпанија.
– Жалиме за Нејмар, но ПСЖ е силен тим и без него. Фудбалерот кој ќе го замени, ќе биде добар. Не знам дали ќе ни биде многу полесно без Нејмар. Во никој случај не е олеснување за нас дека тој нема да игра против нас во вторник – рече Зидан на прес-конференција.
Бразилецот ќе претрпи операција поради кршење на коска на десното стаполо и може да отсуствува од терените околу три месеци.
Реал Мадрид води со 3:1 против Пари Сен Жермен по првата средба меѓу двата тима, одиграна во шпанската престолнина пред речиси три недели.
Утре „белите“ имаат натпревар во шпанскиот шампионат против Гетафе.
– Сега не интересира дуелот утре. Треба да играме на начинот на кој се претставивме во првото полувреме против Еспањол. Имаме обврска да играме силно во сите 90 минути – рече уште Зидан.
Во вторникот, Реал Мадрид загуби со 0:1 како гостин против Еспањол во дуел од Примера.
