Претседателот на Владата на Република Македонија, Зоран Заев, ќе учествува на работниот состанок на претседателот на ЕК, Жан Клод Јункер и премиерот на Република Бугарија, Бојко Борисо, како премиер на земја претседавач со ЕУ, со шефовите на држави и влади од Западен Балкан, што на први март ќе се одржи во Софија, Република Бугарија.
Покрај премиерот Заев, на состанокот најавено е дека ќе присуствуваат и премиерите на: Албанија, Еди Рама, на Црна Гора, Светозар Марковиќ, како и претседателите на Србија, Александар Вучиќ, на Косово, Хашим Тачи и членот на претседателството на БиХ, Драган Човиќ.
Тема на состанокот се можностите за забрзување на процесот на интеграција на Западен Балкан во ЕУ и подобрување на меѓусебната поврзаност. Предвидени се работен состанок и билатерални средби, како и прес конференција за настанот, на претседателот на ЕК, Јункер и бугарскиот премиер, Борисов.
