Управата за јавни приходи ќе преземе соодветни мерки против возач во Управата, бидејќи „Пајак“ денеска го подигнал службеното возило поради непрописно паркирање, соопшти УЈП.
Службеното возило „Пајакот“ го подигнал од пред зградата на Генерална дирекција во Скопје.
„Управата за јавни приходи информира дека поради несоодветно користење, управување и грижа на службено возилото, ќе се преземат соодветни мерки против вработениот во УЈП задолжен за управување со службеното возило. Казната за непрописно паркирање е платена лично од вработениот, a прекршокот се случува во период на отсуство на директорката од УЈП поради здравствени причини“,соопшти УЈП.
