По повод 8-ми Март, општина Бутел денеска организира целодневна манифестација „Вистинска грижа за жените, еден поинаков 8-ми Март“ чија цел е да се зголеми свеста за континуирана заштита на здравјето на жената и здравјето на семејството.
Доктори специјалисти ќе прегледаат над 200 жени од администрацијата и други жителки од општината. Направени ќе им бидат тумор маркери, физичко прегледување на градите, проверка на шеќер и маснотии во крвта,…
Ќе биде одржано и предавање за самопреглед на жените, за неопходноста од редовното правење ЕХО, мамографски прегледи на дојка, ПАП тестови,…
На манифестацијата обраќање ќе има градоначалникот Велимир Смилевски.
