Владата на денешната седница го утврди Предлог – законот за изменување и дополнување на Законот за лековите и медицинските средства, кој се однесува на одредбите во делот на паралелниот увоз на лекови.
– Овој предлог за ново законско решение има цел обезбедување сигурни, квалитетни и безбедни лекови за потребите на пациентите во Република Македонија од паралелен увоз, обезбедување на лесно достапни податоци за лекот на надворешното пакување за здравствените работници, како и пофункционално и поефикасно работење на Комисијата за цените на лековите – наведуваат од владината прес-служба.
