Триесетдневен притвор за Васе Доневски

489

Судија на претходна постапка ги прифати предлозите на Јавното обвинителство за определување мерка притвор за првоосомничениот Васе Доневски и определување мерки на претпазливост за второосомничениот В.Г., сопственик и управител на Друштвото за обезбедување и услуги „Секјуриком мултисервис интернационал“ ДОО Скопје.

– Надлежен јавен обвинител од Основното јавно обвинителство за гонење на организиран криминал и корупција донесе Наредба за спроведување истражна постапка против две лица на кои им се става на товар дека сториле кривично дело Злоупотреба на службена положба и овластување при вршење на јавни набавки од чл.353 ст.5 в.в. ст.1 в.в со чл.22 -велат од  ЈОРМ.

Обвинителството наведува дека во периодот од мај до август 2015 година при спроведување постапка за јавна набавка во износ од 660.834.855 денари за одржување хигиена, тековно одржување, дактилографски услуги, противпожарна заштита и оперирање со телефонски централи, првоосомничениот како директор на владина служба ги пречекорил границите на своето службено овластување и потпомогнат со соизвршителство од второосомничениот – како сопственик на правно лице го оштетиле Буџетот на Република Македонија при што со дејствијата е прибавена значителна имотна корист за сопственикот на правното лице и правното лице.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...