Српската листа ќе излезе од косовската Влада одлучи раководството по вчерашниот инцидент кога во Косовска Митровица беше уапсен главниот преговарач на Србија во разговорите со Косово, Марко Ѓуриќ.
Одлуката Српската листа денеска ќе му ја соопшти и на српскиот претседател Алексар Вучиќ.
Ѓуриќ синоќа беше депортиран во Србија, а косовскиот претседател Хашим Тачи рече дека апсењето не треба да влијае на односите меѓу Белград и Приштина.
– Тој случај не треба да ја нарушува комуникацијата меѓу Косово и Србија, напорите за нормализација и помирувањето меѓу Косово и Србија – нагласи Тачи.
За случајот вчера се огласи и портпаролката на Европската комисија Маја Коцијанчич која изјави дека ЕУ остро ги осудува овие случувања во Косово.
