Американската компанија Спејс-Икс со помош на ракета-носач „Фалкон-9″ успешно го лансираше шпанскиот телекомуникациски сателит „Hispasat 30W-6″ со маса од шест тони.
Станува збор за најголемиот геостационарен сателит, кој кога било е поставен во Земјината Орбита од страна на Спејс-Икс. Тој ќе служи за телекомуникациски врски во земји од Европа, Северна Африка, Северна и Јужна Америка.
Вселенскиот објект е произведен во американската компанија Ес-ес-ел, по нарачка на шпанскиот телефонски оператор Хиспасат.
