Тешка кражба во казиното „Астра“ на Партизанска, во близина на крстосницата помеѓу трговскиот центар Лептокарија и поликлиниката „Букурешт“, е извршена вечерва околу 22.00 часот, извести порталот Курир.
Полицијата го потврдила случајот. Според првичните информации, во казиното влегле две лица облечени во бели алишта со фантомки на главите и со „калашникови“. Едниот од напаѓачите испукал два куршуми во плафонот на казиното.
Нападот траел молскавично. Откако ги зеле парите, ограбувачите влегле во возило кое ги чекало и избегале во непознат правец.
Не е соопштено колку пари се ограбени.
