Актерката Шарлиз Терон, промовирајќи го новиот филм „Гринго“, во кој глуми шефица на компанија што произведува пилули од медицинска марихуана, откри дека токмму со марихуана го решавала проблемот со несоница, а дека главен „дилер“ и е нејзината мајка.
– Треба да се проба се, само еднаш се живее зарем не? Отсекогаш лошо спијам, како и мојата мајка. Земавме лекови, но во еден момент одлучивме да пробаме со алтернативни методи – раскажала Терон во шоуто на Џими Кимел, додавајќи дека еден ден мајка и дошла кај неа со производи со различни вкусови, што ги набавила во продавница за марихуана.
Актерката објаснила дека тој гест на мајка и за неа бил чуден, но дека сепак тоа функционира.
– Но, заборавете, не можете да го добиете мојот дилер, таа е само моја – се шегува Терон.
Шарлиз пред неколку години и пушела марихуана, но престанала кога еден ден сфатила дека осум часа стои како замрзната пред фрижидерот.
ФОТО: EPA/ANDREW GOMBERT
