Од октомври досега над 70 жени го обвиниле холивудскиот продуцент Харви Вајнстин за вознемирување или сексуален напад.
– Од октомври, се појавија информации дека Харви Вајнстин им нудел договори за молчење во замена за пари на оние кои го обвинуваат. Сите овие договори се раскинати од овој момент – соопшти компанијата Вајнстин, која пред неколку месеци го отпушти својот основач.
Компанијата информираше дека прогласува банкрот и дека постигнала договор со инвестициската компанија Лантерн Капитал да го преземе нејзиниот активен имот.
Меѓу актерките кои го обвинуваат Вајнстин се и Ума Турман, Лупита Њонго, Леа Сиду и Лена Хеди.
