Австралијанецот Џорџ Коронс, кој има 99 години, исплива 50 метри краул за 56, секунди на официјалиот натпревар во Квинсленд. Тој се надева дека неговиот резултат и официјално ќе биде потврден како светски рекорд во старосната група од 100 до 104 години.
Пливачот истакна дека е воодушевен од резултатот, како и од публиката, која гласно го бодреше за време на трката.
Во видеото објавено од Би-Би-Си, се гледа дека судијата му помага на Коронс да се искачи на стартниот блок, а потоа следеше решителен скок во базенот.
Коронс, кој е од Бризбејн, вели дека како млад бил страстен пливач, но престанал да плива кога избувнала Втората светска војна.
Повторно му се вратил на пливањето кога имал 80 години, сега тренира трипати неделно, а оди и во сала за вежбање.
