Фудбалерот на шпанскиот второлигаш Албасете, Пелајо Ново, паднал од третиот кат на хотелот каде што бил сместен со соиграчите и е итно префрлен во болница во Сарагоса.
Ново од засега непознати причини паднал преку прозорот, а бил забележан од соиграчите како лежи на земја.
И покрај тешките повреди тој сепак не е во животна опасност.
– Нашиот фудбалер е во стабилна состојба и е префрлен во болница во Сарагоса – соопштија од Албасете.
Шпанските медиуми наведуваат дека според одредени гласини Ново се лекувал од депресија, па засега не е познато дали овој пад е несреќа или се обидел да се самоубие.
Поради инцидентот одлучено е да се откаже мечот што вечерва требаше да го одиграат Хуеска и Албасете.
