Еден потешко и шестмина полесно повредени во 10 сообраќајки во Скопје

104

Едно лице е потешко повредено во една сообраќајна несреќа што се случила во изминатото деноноќие на подрачјето на Град Скопје.

Полицискиот билтен покажува дека со телесни повреди се здобиле и шест лица во други четири сообраќајки. Покрај ова, се случиле и пет сообраќајки во кои е причинета материјална штета.

Во изминатите 24 часа на територијата на главниот град 20 возачи возеле со поголема брзина од дозволената, а седум возачи се исклучени од сообраќај пред да се стекнат со правото на управување моторно возило.

Од сообраќај се исклучени и осум возила со истечена важност на сообраќајната дозвола и едно технички неисправно возило.

Со специјалното возило пајак подигнати се 78 возила, а изречени се и мерки против двајца пешаци кои поминале улица надвор од пешачки премин и против пет возачи кои поминале на крстосница на црвено светло.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...