Северна Кореја и Јужна Кореја се договорија за средба на врвот кон крајот на април во Панмунџон и за воведување „жешка линија“ за намалување на тензиите.
Во исто време, Северна Кореја воведе мораториум над нуклеарните и ракетни проби, доколку САД се согласат за преговори со нив. Властите истакнале дека нема потреба од нуклерано оружје, доколку има гаранции за безбедноста на земјата.
Тоа го изјави Чунг Еуи-јонг, специјалниот пратеник на Сеул по средба со лидерот на Северна Кореја Ким Џонг Ун.
Северна Кореја исто така ветила дека нема да употреби нуклеарни и конвенционални оружја против Јужна Кореја.
Доколку се реализира, самитот би бил трета средба меѓу лидерите на двете Кореи кои технички се уште се во војна по Корејската војна (1950-1953) која заврши со примирје наместо со мировен договор.
