На аеродромот „Свети Апостол Павле“ во Охрид полицијата привела двајца косовски граѓани кои се обиделе со туѓи пасоши на македонски државјани да ја поминат граничната контрола.
„На 4 март година во 18.20 часот, полициски службеници од Полициската станица за Граничен премин – Аеродром „Св. Апостол Павле“ во Охрид, поради сомнение за сторено кривично дело „послуга со туѓа патна исправа“ ги привеле лицата Б.А. (34) и Е.Р. (35), двајцата од Косово. Тие приложиле македонски патни исправи со податоци за лицата С.Д. (29) од Крушопек, општина Сарај и Р.М. (46) од Сингелиќ, скопско“, информира МВР.
