ДУИ соопшти дека партиското претседателство ја поздравило одлуката за оставка на министерот за правда Билен Салији како висок морален чин и како порака со висока човечка и политичка одговорност.
„Овој чин на министерот Салији треба да служи како порака до сите носители на политички функции, особено одговорните за владеењето на правото. Оваа оставка ја повторува пораката дека селективна правда не смее да има и сите носиме одговорност за довербата на граѓаните кон институциите на земјата“, се наведува во соопштението.
Претседателството на ДУИ оценило дека „овој висок стандард на индивидуална одговорност поставува нови стандарди во креирањето политики“.
