Три илјади адвокати, колку што речиси има во Македонија, се пред одлука да почнат правна блокада на правосудните институции во земјава, доколку Владата го одобри предлог-законот за нотаријатот, со кој им се одземаат низа ингеренции на адвокатите, а им се даваат поголеми права на нотарите, дознава порталот Судство.мк.
Иако ова е нацрт-предлог од Министерството за правда, во текстот на измените кои се однесуваат на Законот за нотаријатот, се предвидува адвокатите да се исклучат од сите постапки пред нотарот.
Овој предлог толку многу ја растревожи адвокатската фела, што адвокатите денес во 14.30 во МКЦ во Скопје закажаа итен состанок, на кој ќе се дефинираат нивните идни постапки, доколку Владата ги одобри измените на законот.
