Две постари жени биле прегазени од автомобил, вчера во скопската населба Шуто Оризари, информира МВР.
Според полицијата, сообраќајната несреќа се случила околу 13 часот на крстосницата од улиците Смилевска и Жеденска. Тогаш автомобил „мерцедес“ управуван од Л.Ј. (25) од Скопје удрил во пешаците Т.К. (79) и Р.А.(82), двете од Скопје.
Со возило на Итна медицинска помош Т.К. била пренесена во Градската општа болница “8 Септември“ каде што и биле констатирани тешки телесни повреди, a потоа била префрлена во Градската општа болница „Св. Наум Охридски“ каде била задржана на понатамошно лекување.
Од страна на увидна екипа од Секторот за внатрешни работи Скопје бил извршен увид и се работи на целосно расчистување на случајот.
