Времето денеска ќе биде сончево со умерена облачност. Ќе дува западен ветер.
УХМР информира дека по котлините претпладне ќе има појава на магла и ќе се задржи постудено. Преку денот сончево особено на повисоко и со мала до умерена облачност поголема во западните делови. Ќе дува поизразен западен ветер во западните делови од земјата. Максималната температура ќе биде во интервал од 2 до 10 степени.
Во Скопје претпладне ќе биде облачно и магливо, преку денот маглата краткотрајно ќе се намали. Максималната температура ќе достигне 2 степена.
За време на викендов времето ќе биде стабилно и суво со значителен пораст на дневната температура. По котлините ќе има појава на магла и пониски дневни температури.
Нов влажен бран со врнежи од дожд и снег се очекува во понеделник кон крајот на денот, во текот на ноќта и во вторник претпладне.
Во вторник ќе дува умерен до засилен северозападен ветер што ќе услови повторно опаѓање на температурата.
