Европа треба да покаже решителност во борбата против тероризмот и во справувањето со причините за него, бидејќи во секој момент можат да се случат нови напади, изјави денеска генералниот секретар на Советот на Европа, Торбјорн Јагланд.
– Кога почнавме да се смируваме дека бројот на терористички напади се намалува, вчерашните убиства послужија како горчлив потсетник дека заканата од тероризмот во Европа е сериозна, а нападите можат да се случат во секое време. Мораме да покажеме решителност во борбата против тероризмот и неговите причини – констатира првиот човек на Советот на Европа.
Јагланд ги поддржа француските власти во напорите за заштита на граѓаните и туристите, кои пристигнуваат во Стразбур.
– Уверен сум дека нема да им дозволиме на терористите да завладеат со прекрасните улици на Стразбур и неговите плоштади, тие му припаѓаат на народот – додаде тој.
Генералниот секретар на Советот на Европа, исто така, изрази сочувство до роднините и блиските на жртвите на нападот.
Синоќа 29-годишниот жител на Стразбур, Шериф Шекат отвори оган на Божикен базар во центарот на градот. Тој требало да биде уапсен вчера, под сомнеж за вмешаност во обид за убиство и грабеж. Осомничениот бил во затвор во Германија во 2016 и 2017 година, по обвинение за кражба. Напаѓачот, кој се уште е во бегство, е француски државјанин, добро познат на француските власти како радикален исламист.
Според последните податоци, во синоќешниот напад во Стразбур загина три лица, а 13 се повредени.
ФОТО: EPA / SERGEI KARPUKHIN / REUTERS POOL
