По првпат од годинава обезбедени се средства за вложениот труд на приватните специјализанти и тие се префрлени на Универзитетската клиника за стоматологија – соопштија од Министерството за здравство и тоа само неколку часа откако специјализантите стоматолози јавно потсетија дека од септември не го добиле ветениот надомест.
– Процедурата за согласноста за вработување со договор на дело, преку кој ќе се исплаќаат приватните специјализанти е завршена во Министерството за здравство и во законски определениот рок, Министерството за финансии ги одобри согласностите. Приватните специјализанти по стоматологија ќе бидат целосно исплатени ретроградно за нивниот вложен труд. Напоменуваме, за приватните специјализанти предвиден е буџет и за наредната 2019 година, односно ќе бидат исплаќани и следната година – се вели во соопштението.
