Одбранбениот фудбалер на Реал, Дани Карвахал ја прозва управата на клубот да дејствува и да го доведе Бразилецот Нејмар од Пари Сен Жермен.
По само неколку месеци од рекордниот трансфер од Барселона во ПСЖ (222 милиони евра) се шпекулира дека Нејмар би можело да потпиша за Реал за 400 милиони евра.
-Да изберете меѓу Гризман и Нејмар е тешко, но јас би го донел Бразилецот. Тој би се вклопил во нашиот тим. Искуството од дуелите со него ми кажува дека многу ќе ни одговара, изјави Карвахал, за шпанските медиуми.
Реал Мадрид неодамна го елиминира ПСЖ во осминафиналето на Лигата на шампионите, но без Нејмар во реваншот кој с еповреди по што направи операција на стапалото во неговата татковина.
Нејмар е незадоволен во ПСЖ, често доаѓа во конфликт со тренерот Унаи Емери и со соиграчот Едисон Кавани.
ФОТО: EPA/JUANJO MARTIN
