Првата верзија на Законот за помирување во врска со настаните од 27 април се очекува да биде готова до задутре, а ќе биде предложена од собраниското тело за помирување. Ова тело ќе одржи состанок откако членовите ќе се вратат од службен пат, а тоа е најверојатно в петок.
Емилија Александрова, која копретседава со телото, ја потврдува поддршката на целиот процес од Независната пратеничка група на ВМРО ДПМНЕ. А дека за целиот процес – реформите, интеграцијата и помирувањето, биле охрабрени и од европратениците, Дејвид Мекалистер и Кнут Флекенштајн.
Христијан Мицкоски на средбата со гостите од Брисел потврдил дека ВМРО ДПМНЕ е спремна да ги помогне реформските процеси, но дека тоа зависи од способноста волјата на Владата да биде носител на тие процеси.
Европратениците Мекалистер и Флекенштајн разговарале и со спикерот Талат Џафери, потпретседателите и координаторите на пратеничките групи.
