Германското издание „Шпигел“ пред десетина дена информираше дека допинг примерок на Рамос, земен по финалниот натпревар од Лигата на шампиони 2016/17 против Јувентус, бил позитивен на дексаметазон.
Реал ја демантираше таквата информација, а сега станува јасно дека УЕФА и Антидопинг агенцијата (ВАДА) ги прифатиле објаснувањата на клубот и нема да го казнат Рамос.
Според Реал, тоа што се случило по финалето на Лигата на шампионите е предизвикано од административна грешка, како резултат на која лекарот на клубот го напишал неправилно името на лекот во формуларот за допинг контрола.
Рамос е во Реал од 2005 година, со клубот го освои четири пати шампионатот на Шпанија и Лигата на шампионите, трипати Суперкупот на Шпанија, Суперкупот на УЕФА и светскиот клупски шампионат и двапати Купот на Шпанија.
Триесет и две-годишниот Рамос е исто така светски шампион со шпанската репрезентација (2010) и двократен европски шампион (2008, 2012).
