Жена возач удрила во пешак и го повредила, вчера во 14.30 часот во близина на крстосницата на улиците 23 Октомври и Коста Новаковиќ во Скопје, соопшти МВР.
Како што соопшти полицијата, возило управувано од женско лице удрило во пешакот Ј.С. (77) од Скопје и подоцна го напуштило местото на настанот. Ј.С. се здобил со тешки телесни повреди и бил пренесен во Градска болница „Свети Наум Охридски“. Увид на местото извршила екипа од СВР Скопје и се преземаат мерки за пронаоѓање на лицето и расчистување на случајот.
