CNN објави видеоснимка на која се гледа моментот кога рускиот брод на крајбрежната стража се забил во бродот на украинската морнарица по влегувањето во руските територијални води во Црното море.
На снимката се слуша како некој на посдадата на рускиот брод вели држат цврсто додека бродот удира во украинскиот кај Керчкиот теснец кај Крим. Станува збор за тесен канал кој го раздвојува полуостровот Крим од руското копно.
На снимката со инцидентот се слуша како еден маж вика:
– Згази го, браво, стисни го од десна страна, буткај! Бутни го! Само така. Ајде, ајде. Бутни го! Само напред!
Потоа мажот од снимката и рекол на својата посада цврсто да се држат. Истиот руски брод малку подоцна отворил оган и запленил три украински брода.
Во инцидентот се заробени 24 морнари, а тројца се повредени, но не се во животна опасност.
