Раководството на Манчестер Јунајтед ќе му обезбеди солидна сума на менаџерот Жозе Мурињо за да го зајакне составот на тимот во зимскиот трансфер период, објави „Мирор“.
И покрај вестите за рекордниот пад на цената на акциите на клубот од 2017 година, „црвените ѓаволи“ планираат да потрошат десетици милиони фунти за нови играчи во јануари.
Мурињо ќе биде во можност да привлече нови играчи на позиции кои не беа засилени во текот на летото.
Меѓу играчите што ги бара Португалецот се Диего Годин од Атлетико Мадрид, Лоренцо Пелегрини од Рома и Гери Кејхил од Челзи.
Манчестер Јунајтед моментно е на седмото место во Премиер лигата со 21 бод од 13 натпревари, на седум бода помалку од топ 4.
