Министерот за информатичко општество и администрација, Дамјан Манчевски тврди дека идната година веќе нема да има вработените во администациите по Рамковен договор кои не се појавуваат на своите работни места, а редовно земаат плата.
-Такви во 2019 година нема да има – рече Манчевски по презентацијата на Буџетот за 2019 година на Министерстото за информатичко општество и администрација.
Тој посочи дека податоци околу проблематиката има Секретаријатот за спороведување на Охридскиот рамковен договор.
-Не можам да бидам портпарол за сите сектори во Владата, има процеси кои се спроведуваат на дневна основа, во одредени институции – додаде Манчевски.
Тој појасни дека во различни институции спроведувањето за секој план е различно, за да им се најде место во систематизацијата и дека постапките и процедурите се секаде различни.
