Заедничка акција против однесувањето на унгарската власт во врска со давањето на азил на поранешниот македонски премиер, сега осуденик и бегалец, Никола Груевски подготвуваат унгарските опозициони партии.
Опозицијата во Унгарија смета дека власта ги прекршила законите со давањето азил на Груевски. Тие тврдат дека Груевски не ги исполнил потребните услови за добивање на азилот.
Партиите Дијалог за Унгарија (MSZP), Демократска колаиција (DK) и партијата Други политики се возможни (LMP) веќе имале заеднички консултативен состанок, пишува „24.hu“ повикувајќи се на свои извори.
Според информацијата тие прво ќе иницираат панел дискусија за ова прашање и ќе бараат формирање на парламентарна истражна комисија.
Потоа до властите ќе достават заеднички став на опозицијата за случајот Груевски, а парламентот ќе добие предлог како да се постапи.
