Англискиот медиум Би-Би-Си, кој ја доделува наградата за Најдобар африкански фудбалер на годината, ги објави петмината номинирани за носител на признанието за 2018-та.
Тоа се ѕвездите на Ливерпул Мохамед Салах (Египет) и Садио Мане (Сенегал), дефанзивеците на италијанските клубови Јувентус и Наполи – Меди Бенатија (Мароко) и Калиду Кулибали (Сенегал), како и халфот на Атлетико Мадрид – Томас Партеј (Гана).
Фаворит е Салах, кој ја освои наградата и минатата година, а како негов главен конкурент е клубскиот колега на „Енфилд“, Мане.
Гласањето е до 2-ри декември, а победникот ќе стане познат на 14-ти.
