Го укинавме паралелниот увоз на инсулин и терапија за дијабетес и воведовме три нови типови на инсулин, еден од нив наменет за децатана, рече министерот за здравство Венко Филипче, денеска на форумот „Што е потребно за добра контрола на дијабетесот и среќно семејство“.
– Паралелниот увоз не гарантираше квалитет на инсулинот, ниту пак имавме контрола дали терапијата која им е потребна на пациентите во земјава влегува исправна, дали е запазен неопходниот ладен синџир кога се транспортираат овие лекови – рече Филипче.
Тој подвлече дека еден од новите три вида инсулин е Тресибата.
Филипќе рече и дека сега се ангажирраат да обезбедат сензори за континуирано мерење на гликемијата во крвта.
– За почеток потребни се околу 500 вакви сензори, за да можат да се покријат месечните потреби на децата. Со набавката на овие сензорни мерачи ќе им олесниме и на бремените жени кои имаат гестациски дијабетес – појасни тој.
Министерот апелираше да се обрне внимание да се надмине состојбата на стигматизирање на децата со дијабет.
– Сведоци сме дека дел од овие деца имаат пречки да бидат дел од предучилишниот процес во градинките, поради стравот на кадарот. За жал, стигматизирање има и во училиштата се разбира неоправдано. Дијабетисот не е заболување тоа е состојба, која ние се трудиме да ја олесниме и ги охрабруваме и децата и родителите сосема храбро да чекорат низ животот и со дијабетес – рече Филипче.
Во Македонија има регистрирани 500 дечиња помлади од 14 години кои имаат дијабетес и секојдневно примаат инсулинска терапија.
Моментално во светот има повеќе од 425 милиони лица кои имаат дијабетес, а се предвидува дека до крајот до крајот на 2030 година, бројот на лица со дијабетес ќе изнесува барем двојно повеќе.
